囍越 (將軍澳中心)

營業中

休息中

首先，凳坐得唔舒服嘅，檯之間排得好迫，好似搭檯咁，聽到哂隔離檯講野，我同朋友傾偈都傾得辛苦，感覺似快餐店。上菜速度係快嘅，味道都唔錯，但當出面開始多人等位，啲侍應就好想收我地未食完嘅野食，好似催我地食快啲咁，而我地當時係食左一個鐘都無。明明我地都係拎住筷子食緊，我面前碟野食仲有1/3，個侍應都想收，完全係趕客。之後有第二個侍應又係咁，我同朋友都一齊飲緊個湯，煲湯係仲有一半，個侍應都想收，我真係唔明佢地發生咩事。出面係好多人等位，但都唔代表要用咁嘅手法趕人走，想好好地食餐飯都唔得，要護食真係好大壓力，唔會再黎！