星願 居酒屋 (已結業)

今晚決定食日本嘢，就係屋企附近揀咗間餐廳，呢間餐廳已經食過好多次㗎啦，次次食完都覺得好滿足☺️餐廳地方唔算好大，但係個佈置都好有日本地道居酒屋feel，基本上你想食嘅日本嘢都可以喺呢度搵到，我今次就揀咗幾樣特別啲嘅日本料理食😝日式將燒五花腩、鹽燒雞中亦、燒蛋糕：呢三個燒物味道都好唔錯，燒五花腩有一層肥一層瘦，口感好豐富，雞翼又夠嫩，而燒蛋糕就係平時少見嘅，估唔到鬆軟嘅蛋糕燒完係咁好味🥰牛油果肥牛卷、玉子鰻魚燒、燒雞皮墨魚滑卷：另外再叫多幾串嘢食，肥牛卷牛肉味香濃，燒鰻魚燒到魚皮香脆，雞皮包住墨魚滑兩種雙重嘅口感一樣嘢就可以食晒😆鳳梨鵝肝多士：平時喺自助餐先食到鵝肝，見到呢度有鵝肝食我又忍唔住叫啦，鵝肝咬落去唔會粉，加埋多士食鵝肝嘅油脂滲晒入多士😋咁有風味嘅日本嘅居酒屋，下次會再嚟😊