影片
更多
2017-07-06
461 瀏覽
作為西環嘅街坊西寶城嘅呢一間仙跡岩喺西環屹立不倒左咁多年 佢由中學嘅時候到而家佢都仲喺度 咁即係證明咗佢一定嘅實力啦佢嘅布面唔算好大大概可以容納到20人左右，今日晚上六點左右黎到我就同媽媽嚟試一試咗佢嘅米線餐台式精選飯餐 再試埋其他小食～ 媽媽叫咗紅燒燴牛肉配脆豆腐加白飯($59) 再轉薑母奶茶 我呢就叫咗五香牛展撈米線($52) 配抹香珍珠奶茶 除咗兩個餐之外我哋仲叫咗一份甜不辣($29)啦 台風大塊雞($29)同埋鹽酥花枝($33) 率先黎到既紅燒燴牛肉飯 佢個汁好香再加埋牛肉份量亦都唔少大概有五六件左右 撈飯食一流 跟餐既脆豆腐外皮都好酥脆 媽媽表示滿意 至於我既牛展撈米線佢啲份量算係一個下午茶份量女仔來講食完呢份再嗌多少少小食就剛剛好 佢嘅醬唔會太濃 唔會好漏 味道剛剛好 食完主食後 就梗係要試吓呢三款台式小食因為其實自己本身好鍾意食台灣嘅小食希望可以喺香港都可以搵返台灣嘅味道啦～ 第一個酥炸花枝即係魷魚酥啦魷魚都揸得好香再加埋孜然粉好正～另呢個雞扒就似乎有少少鞋而且亦都冇張相仲咁大hahaha 但係調返轉頭黎諗咁我未有多啲quota試埋其他野食囉hahha! 最後就係呢個甜不
佢嘅布面唔算好大大概可以容納到20人左右，今日晚上六點左右黎到我就同媽媽嚟試一試咗佢嘅米線餐台式精選飯餐 再試埋其他小食～
媽媽叫咗紅燒燴牛肉配脆豆腐加白飯($59) 再轉薑母奶茶 我呢就叫咗五香牛展撈米線($52) 配抹香珍珠奶茶 除咗兩個餐之外我哋仲叫咗一份甜不辣($29)啦 台風大塊雞($29)同埋鹽酥花枝($33)
率先黎到既紅燒燴牛肉飯 佢個汁好香再加埋牛肉份量亦都唔少大概有五六件左右 撈飯食一流 跟餐既脆豆腐外皮都好酥脆 媽媽表示滿意
至於我既牛展撈米線佢啲份量算係一個下午茶份量女仔來講食完呢份再嗌多少少小食就剛剛好 佢嘅醬唔會太濃 唔會好漏 味道剛剛好
食完主食後 就梗係要試吓呢三款台式小食因為其實自己本身好鍾意食台灣嘅小食希望可以喺香港都可以搵返台灣嘅味道啦～
第一個酥炸花枝即係魷魚酥啦魷魚都揸得好香再加埋孜然粉好正～
另呢個雞扒就似乎有少少鞋而且亦都冇張相仲咁大hahaha 但係調返轉頭黎諗咁我未有多啲quota試埋其他野食囉hahha!
最後就係呢個甜不辣 其實就即係墨魚餅再加埋甜醬甜甜地幾有咬口，當飯後小食其實都唔錯架～
張貼
