HABITŪ table (ELEMENTS圓方) (已結業)

當日一去到門口，就有staff帶咗我去個位。每人最低消費係一杯飲品。我帶住電腦一個人做嘢，嗌咗我最愛既玫瑰奶茶，玫瑰奶茶加咗好香玫瑰味既糖漿，奶茶底茶同奶個味好平衡，所以係我既大愛！另外嗌咗個蟹餅配蕃薯條，以超過一百蚊既價錢嚟講，對個食物反而有少少失望。首先份量唔算多，蟹餅味道亦都無咩驚喜。番薯條感覺比較油，應該係炸既溫度唔啱。但整體嚟講都食得落口。自從高鐵通車後圓方人流旺咗好多，habitu就連下午茶時間都好多人，環境比較嘈。但員工反應都好快，態度亦唔錯。所以坐下都ok～