青悅 (已結業)

入黎之前都有望下啲食評，最後都決定試下！！可能系下午茶時間，里面吾多客，枱凳都幾整齊，之後就被安排去到梳化位，不過美中不足就系梳化啲皮爆曬，睇上去吾系咁好，不過好在，我坐既位置冇呢個情況，同埋服務員態度都幾好，誠懇且專業，未見到其他食評上出現既野。講到食物，呢間記然系越式野食，一定要試下越式檬粉，跟住我叫左個"越式海南雞絲扎肉湯河",因為餐牌上邊冇寫可以轉檬粉，之後我問左一下服務員，之後佢話有，實在太好啦，希望餐牌可以清晰d,最後就配多杯凍檸檬茶。等左大概10分鐘左右，粉+茶都齊上，仲要配多一支佢地自家制魚露(勸大家食得下酸先好叫)，魚露加左湯粉上邊，湯既味湯岩岩好，特別加埋魚露，好開胃，特別依家呢個天氣，岩岩好，湯粉餸和配菜都足料既，可以一試，最後杯凍檸檬茶，不過不失啦，同出邊茶記差吾多。好彩今次就冇伏到，體驗都吾錯既，並冇其他評論講到咁誇張，今次埋單就差吾多60蚊，可能我冇點其他野食，下次再黎試下其他吧！！以上系今次個人體驗既觀點！！