茶木‧台式休閒餐廳 (已結業)

茶木同小丸子合作，我呢個粉絲又點可以錯過呢？一入到去已經見到坐滿晒人，最多就係家長帶小朋友去食。野口竹炭仙草奶茶茶木嘅奶茶不嬲都好飲，奶味濃又滑，加埋仙草口感仲好。小丸子櫻桃西瓜柳丁汁酸酸地好開胃，但係沙冰嚟嘅，如果冬天唔鍾意飲太凍就揀其他嘢飲了。小玉南瓜海鮮魔法有南瓜盒裡面有龍蝦、蜆、魷魚同菇。旁邊仲有炸魚蛋，炸魚柳，就連蘿蔔都係小丸子嘅樣。好豐富，但份量細咗啲。黑松露培根蛤蜊燉飯鍋蜆肉同 Bacon 不嬲都好夾，做埋 risotto 一樣好味。小丸子熱香餅賣相好可愛，印晒小丸子個樣。雖然真係好細塊，但又好鬼好食。牛油味十足又夠香，得四塊真係唔夠食呀。