茶木‧台式休閒餐廳 (已結業)

最近工作繁忙，同事知我辛苦，負能量爆晒錶，就帶我去左世貿茶木lunch, 我去到先知到原來係小丸子主題餐廳。無論牆邊定玻璃窗都貼滿小丸子角色圖像，好fancy, 仲有個約1米高既小丸子公仔係photo corner! 睇到裝修都令人輕鬆晒，工事扔埋一邊啦! 連menu 都轉晒，印滿係小丸子公仔，仲有限定菜式!我地兩個人，嗌左一個南瓜海鮮拼盤，一個黑松露蜆焗飯(似risotto) 同埋一個熱香餅做甜品，我仲有杯西瓜柳丁汁(似沙冰)。個南瓜汁好味，但食材就冇咩特別。個黑松露焗飯都唔錯，兩個人食啱啱好，唔會唔夠或者太漏。反而個甜品就無咩特別，得個靚字!