中村藤吉香港店 (已結業)

小休過後，我還在努力寫緊八月的生日飯，希望九月可以記錄完，話說生日前夕經過中村藤吉位於美麗華外賣店，同行的三位吃貨朋友，竟然全未食過，答案實在令人太驚訝吧！就這樣我們就入去買杯雪糕，打個卡吧！入到外賣店首先會見到蛋糕櫃，放著急凍的糕點，最入面就有個小廚房，售賣主力賣雪糕及沙冰，口味有抹茶及焙茶選擇。焙茶軟雪糕雪糕可以揀抹茶或焙茶口味，或者Twist都可以，因為我覺得單純食一隻味會試得真點，就揀左焙茶了，吃了一口焙茶雪糕好甜，比我想像中甜很多，而且焙茶香比較薄弱，不過軟雪糕都打得幾滑身，無冰感，味道上V字頭明顯好好多，質感就這邊好少少，整體有點失望。單吃紅豆蓉不算太甜正常味道，但加埋雪糕就真的過於甜美，有點受不了。丸子煙韌彈牙，脆筒都夠脆，叫做挽回一點分數。其實食左五啖左右，有衝動掉左佢。我問朋友Twist點，佢話唔平均焙茶得好少，而且唔夠回甘，唉！真的估佢唔到，吹捧得太厲害，失望呀！