影片
更多
2018-08-14
3419 瀏覽
每年一度的小學同學聚餐定咗8月11日舉行，參加人數買少見少，今年只剩9人參加，可能是暑假檔期吧，好多人都不在香港，未能出席。搞手在報紙睇到有超抵圍餐，酒樓地點可選土瓜灣、科技園或觀塘，經投票後，都係揀咗交通較為方便的觀塘。話就話觀塘分店是較為交通方便，其實都好吊腳，在港鐵站行過去都要十幾分鐘。不過唔知點解，咁吊腳的地方，都有咁多人來食。唯一想得到的解釋係呢度真係大件夾抵食。我哋只得九男女，搞手建議食個 “十一道風味” $1698，免加一，啤酒任酒，加碼加多二人份量，即是食夠十人份，又即是加多$400，除開每人都只係$230。好處係可以享用多一隻乳豬和灼鮮鮑魚……一至通過啦!燒乳豬唔肥，皮薄又脆，好鬆化。椒鹽黃金吊桶啲炸粉過多，炸得太硬，無論隻吊桶幾咁鮮甜都扣晒分。上湯龍蝦伊麵十人份都咁大份，好似仲多過一般十二人一圍嗰啲。數落大概有兩隻龍蝦。味道一般。勁蒜貴妃蚌以大隻取勝，而且真係勁多蒜，所以食落太多蒜蓉味，完全奪去貴妃蚌的鮮味。白灼生猛海蝦都新鮮，肉質爽彈。灼鮮鮑魚好厚肉，口感唔錯。油鹽水浸花甲有沙，所以大家都食唔晒，無投訴，只是叫阿姐收起佢。金銀蛋浸菜苗啲菜好明顯煮得過咗龍啦。金栗海
話就話觀塘分店是較為交通方便，其實都好吊腳，在港鐵站行過去都要十幾分鐘。不過唔知點解，咁吊腳的地方，都有咁多人來食。唯一想得到的解釋係呢度真係大件夾抵食。
我哋只得九男女，搞手建議食個 “十一道風味” $1698，免加一，啤酒任酒，加碼加多二人份量，即是食夠十人份，又即是加多$400，除開每人都只係$230。好處係可以享用多一隻乳豬和灼鮮鮑魚……一至通過啦!
燒乳豬
唔肥，皮薄又脆，好鬆化。椒鹽黃金吊桶
啲炸粉過多，炸得太硬，無論隻吊桶幾咁鮮甜都扣晒分。上湯龍蝦伊麵
十人份都咁大份，好似仲多過一般十二人一圍嗰啲。數落大概有兩隻龍蝦。味道一般。勁蒜貴妃蚌
以大隻取勝，而且真係勁多蒜，所以食落太多蒜蓉味，完全奪去貴妃蚌的鮮味。白灼生猛海蝦
都新鮮，肉質爽彈。灼鮮鮑魚
好厚肉，口感唔錯。油鹽水浸花甲
有沙，所以大家都食唔晒，無投訴，只是叫阿姐收起佢。金銀蛋浸菜苗
啲菜好明顯煮得過咗龍啦。金栗海鮮湯
飲唔出有太多味精，有蝦有蜆有木瓜，食落其實都幾鮮甜。脆皮炸子雞
呢個有啲搵笨，8位用嘅餐寫明係有一隻雞，有人似乎飲大咗少少問: “咁我哋加碼食十人份，係咪應該要俾多隻髀我哋呢?” 我哋立即控制住佢唔俾佢再亂講嘢，用咩易俾廚房加料…..。清蒸游水龍躉
睇嚟都有斤半重，蒸得啱啱好。
XO醬粉絲肉蟹煲
有兩隻蟹，太多餸食喇，食唔晒。炒飯
無咩人問津，我都無食，唔知係咩味。整體來說，食物質素一般，服務一般，勝在價錢平。可惜地點實在太吊腳，食飽行番去港鐵站可以幫助消化。
張貼
