影片
更多
2019-06-20
839 瀏覽
之前經過俾佢既裝飾吸引，傳統得黎又帶d新潮元素，決定父親節和家人黎試試晚飯訂位分兩輪，17:30同19:30，安排左我地坐餐廳其中一個角落，都幾private👍招牌菜係火焰片皮鴨，所以一坐得就落左單，再加多個4人餐頭盤有五香燻魚、水晶陳醋肴肉。後者做得比較出色，肥瘦比例剛好，仲有些許酒味帶出肴肉既甘香。4碗燉湯可自由選擇，份量十足。蟲草花燉雞，好夠火喉，非常滋潤杏汁燉豬肺，因為清洗功夫繁複，唔係好多餐廳會煲，而且每啖都有杏汁香味，真❤️推介👍主菜係媽媽喜愛既酸菜桂魚片，勁足份量。桂魚片鮮甜啖啖肉仲要無骨，食得暢快。大碗湯仲有好多不同配料，芽菜，酸菜同薯粉，酸酸辣辣，有d水準。士多啤梨骨，酸酸甜甜，排骨新鮮炸起，粉漿唔算好厚，外脆內軟。紅燒外婆肉，做法有d似東波肉，半肥半瘦，送飯一流。重點片皮鴨，雖然細細隻但係都片到有皮有肉，唔算多油。薄餅紙夠熱，每片用牛油紙隔開，唔洗痴住😊佢會提供兩set醬汁，一set係傳統既片皮鴨醬配青瓜，另一set既橙醬配生菜🥬菠蘿🍍，後者又新穎又清新。跟餐甜品有4碗酒釀丸子，好欣賞佢同時又提供5-6款其他甜品自費升級，最後升級左兩位高力豆沙，仲同樣係媽媽愛吃的。小
晚飯訂位分兩輪，17:30同19:30，安排左我地坐餐廳其中一個角落，都幾private👍
招牌菜係火焰片皮鴨，所以一坐得就落左單，再加多個4人餐
頭盤有五香燻魚、水晶陳醋肴肉。後者做得比較出色，肥瘦比例剛好，仲有些許酒味帶出肴肉既甘香。
4碗燉湯可自由選擇，份量十足。
蟲草花燉雞，好夠火喉，非常滋潤
杏汁燉豬肺，因為清洗功夫繁複，唔係好多餐廳會煲，而且每啖都有杏汁香味，真❤️推介👍
主菜係媽媽喜愛既酸菜桂魚片，勁足份量。桂魚片鮮甜啖啖肉仲要無骨，食得暢快。大碗湯仲有好多不同配料，芽菜，酸菜同薯粉，酸酸辣辣，有d水準。
士多啤梨骨，酸酸甜甜，排骨新鮮炸起，粉漿唔算好厚，外脆內軟。
紅燒外婆肉，做法有d似東波肉，半肥半瘦，送飯一流。
重點片皮鴨，雖然細細隻但係都片到有皮有肉，唔算多油。薄餅紙夠熱，每片用牛油紙隔開，唔洗痴住😊佢會提供兩set醬汁，一set係傳統既片皮鴨醬配青瓜，另一set既橙醬配生菜🥬菠蘿🍍，後者又新穎又清新。
跟餐甜品有4碗酒釀丸子，好欣賞佢同時又提供5-6款其他甜品自費升級，最後升級左兩位高力豆沙，仲同樣係媽媽愛吃的。小丸子好足料，酒香中配上桂花糖水，甜而不膩。每份高力豆沙有3粒，皮薄餡靚😋正正👍
張貼
