燒夜食堂 (已結業)

今日去咗長沙灣嘅呢間燒夜食堂食串燒🍢，佢哋係用QR code下單🤳🏻，方便快捷，佢哋鋪頭雖然唔係好大，但係食物質素都真係唔錯，小店大驚喜呀🤩.雞類我就叫左明太子雞翼🍗，鹽燒手羽🍖，汁燒京蔥雞肉串，雞軟骨肉棒，味付糖心蛋燒🥚，明太子雞翼去咗骨入面鑲左滿滿嘅明太子，塞到隻雞翼脹卜卜，大滿足呀🤤，另外隻糖心蛋燒，真係超流心，效果超正👍🏻.牛肉類我叫咗鹽燒一口牛串🥩，金菇肥牛串，牛肉淋滑一啲都唔韌，調味剛剛好，唔錯呀😋.蔬菜類就叫左蒜蓉燒原條茄子🍆，芝士燒翠玉瓜🥒，燒冬菇串🍄，原條茄子一絲絲咁撕出嚟食，配搭埋好香口嘅蒜蓉，好味道😋.仲有其他燒/炸物包括芝士松露薯條🍟，一口芝士年糕，蒜蓉燒半殼蠔🦪，芝士🧀同松露兩種邪惡嘅食材擺喺薯條上邊，呢個配搭真係冇得輸呀，另外芝士年糕入邊又係有半溶嘅芝士，呢兩款食物芝士控必叫呀🤗.食咗咁多串燒，都要食返啲澱粉質嘅，我地叫咗碗雞白湯拉麵🍜，叉燒燒得唔錯，好香口，食埋拉麵就夠晒飽飽喇😙.叫得做燒夜食堂，梗係有得食宵夜㗎啦，佢哋仲開到凌晨兩點㗎🌛，以後食宵夜又多個選擇喇💁🏻‍♀️