影片
更多
2018-10-08
907 瀏覽
收工來到呢間位於長沙灣嘅西餐廳食飯，新開冇耐咁，都係睇人地食評所以來。餐廳喺昌華街，兩公婆食完飯番歸都唔遠。小店格局，門面幾有格調，裡面就唔算好多位，一個半開放式廚房，大約可以見到裡面嘅環境，近門口位就係吧枱餐廳用嘅都係雲石枱，幾靚嘅，店員一律都係後生仔，整體都有禮，理解嘅，始終去小店，梗係唔同去連鎖西餐廳。午市有經過過，係有set lunch，晚市呢就冇嘅，都係散嗌。種類、款式以小店來講，都算好多，有沙律、小食、頭盤、主菜、餐湯、甜品齊哂，我地睇左陣，點左兩份主菜，分別係大蝦濃汁意粉同加拿大白豚虎頭扒，人均二百零蚊，食物質素唔錯。大蝦濃汁意粉：意粉即時整起新鮮熱辣，份量不少有三隻蝦，兩隻青口，兩隻大蜆同埋蘑菇煮起，都算係海鮮意粉，價錢係168。整體都新鮮，隻蝦為左方便食用，已經起左邊。扁意粉軟硬適中，唔會淋bat bat，但我地最鐘佢個醬汁，唔係好杰，但真係做到「濃汁」嘅效果，好似用啲蝦頭做出好入味嘅味道，亦成功掛到汁雖然碟底有少少油，但我接受到。另外點左加拿大白豚虎頭扒，塊扒認真大塊，上枱時已經切好薄片，方便食用，份量很足白豚肉肉質仲好嫩，完全唔鞋，又帶少少肉香，真係幾有水準。加左
午市有經過過，係有set lunch，晚市呢就冇嘅，都係散嗌。種類、款式以小店來講，都算好多，有沙律、小食、頭盤、主菜、餐湯、甜品齊哂，我地睇左陣，點左兩份主菜，分別係大蝦濃汁意粉同加拿大白豚虎頭扒，人均二百零蚊，食物質素唔錯。
大蝦濃汁意粉：意粉即時整起新鮮熱辣，份量不少有三隻蝦，兩隻青口，兩隻大蜆同埋蘑菇煮起，都算係海鮮意粉，價錢係168。整體都新鮮，隻蝦為左方便食用，已經起左邊。扁意粉軟硬適中，唔會淋bat bat，但我地最鐘佢個醬汁，唔係好杰，但真係做到「濃汁」嘅效果，好似用啲蝦頭做出好入味嘅味道，亦成功掛到汁雖然碟底有少少油，但我接受到。
另外點左加拿大白豚虎頭扒，塊扒認真大塊，上枱時已經切好薄片，方便食用，份量很足白豚肉肉質仲好嫩，完全唔鞋，又帶少少肉香，真係幾有水準。加左左少少香草提味，唔影響塊扒本身，我問店員拎左少少海鹽，更加正。
最後追加一份鹹蛋黃雞翼，十分推薦，雞翼係煎過，本身已經好香。但最欣賞係鹹蛋黃香氣十足，唔係得個講字，醬汁有少少杰身，但唔糊口。雞翼香脆肉嫩，食到lamlam脷
張貼
