B.Two House (已結業)

今日老婆發辦，去咗觀塘工廈搵食，去到先知呢間餐廳唔係晚晚開！八卦之下得知原來佢哋堅持手作蛋糕同其他食物，所以星期二四六日係唔開晚市，專心準備食物！單係呢種誠意就值得嚟試下啦！   叫咗個二人套餐，老婆食佢哋招牌Bagel，我就試其他，要咗個日本風情嘅鰻魚飯！前菜係好好味又開胃嘅海藻，而鰻魚飯就好大份，好足料！身為飯桶嘅我好滿足！不過我當然都有偷食下Bagel啦，煙煙韌韌幾得意！而蛋糕就真係幾出色，好啱女士食，唔算甜之餘仲好light，依家好多蛋糕都「實心」，係就係夠濃味，但係就好滯，但呢到啲cake食多少少都唔怕！都幾推薦呢間小餐廳，因為呢到搵得返人情味，雖然員工好忙，都唔抗拒我R水吹XD佢哋都會做包場，有set嘢食加一半自助元素，開party 或者一班人grathering就好啱！