影片
更多
2021-09-25
20 瀏覽
好耐冇食西班牙菜，又想支持下啲小店所以嚟咗呢一間！西班牙蛋餅一上枱就聞到好香濃嘅蛋味，望落就好似奄列咁，面頭仲鋪咗啲西班牙火腿。咬落裏面口感豐富，有啲切件嘅薯仔、辣肉腸粒、洋蔥，重點係啲蛋唔會過熟，咬落重囉有啲汁，唔錯！紅酒辣肉腸配全麥麵包粒幾的骰嘅一道菜式，主角係口感紮實，好濃味，仲帶點煙燻味嘅切粒辣肉腸。旁邊伴住骰仔狀嘅全麥麵包，烤到好脆身，沾埋腸下充滿油脂香氣嘅紅酒汁食，呢個先係成碟小菜嘅精髓！送酒一絕👍🏻香辣大蝦意大利麵一入口好有驚喜，意粉煮得啱啱好，個質感真係al dente好有嚼口，值得一讚👍🏻大蝦數量唔少，夠新鮮，咬落爽口彈牙。整體味道方面唔會過鹹過淡，橄欖油同白酒配合得非常好。另外佢用上原隻乾辣椒，所以辣度足夠，仲增添額外嘅香氣。成餐飯坐得都幾舒服，位置唔會太逼，而餐廳會播住啲好輕鬆嘅音樂，襯埋杯酒，絕對係適合同朋友小聚相見嘅地方～
西班牙蛋餅
一上枱就聞到好香濃嘅蛋味，望落就好似奄列咁，面頭仲鋪咗啲西班牙火腿。咬落裏面口感豐富，有啲切件嘅薯仔、辣肉腸粒、洋蔥，重點係啲蛋唔會過熟，咬落重囉有啲汁，唔錯！
紅酒辣肉腸配全麥麵包粒
幾的骰嘅一道菜式，主角係口感紮實，好濃味，仲帶點煙燻味嘅切粒辣肉腸。旁邊伴住骰仔狀嘅全麥麵包，烤到好脆身，沾埋腸下充滿油脂香氣嘅紅酒汁食，呢個先係成碟小菜嘅精髓！送酒一絕👍🏻
香辣大蝦意大利麵
一入口好有驚喜，意粉煮得啱啱好，個質感真係al dente好有嚼口，值得一讚👍🏻大蝦數量唔少，夠新鮮，咬落爽口彈牙。整體味道方面唔會過鹹過淡，橄欖油同白酒配合得非常好。另外佢用上原隻乾辣椒，所以辣度足夠，仲增添額外嘅香氣。
成餐飯坐得都幾舒服，位置唔會太逼，而餐廳會播住啲好輕鬆嘅音樂，襯埋杯酒，絕對係適合同朋友小聚相見嘅地方～
張貼
