La. Tomokuo Japanese & Western Cuisine (已結業)

難得可以去食西餐，係觀塘揀咗一間好有格調嘅餐廳，果然冇令我失望喎！前菜有吞拿魚他他，吞拿魚十分之鮮味，輕輕一啖已經食晒嚕！餐湯方面亦都有驚喜，蘑菇湯加上黑松露油，令到成碗湯更香，而且蘑菇湯煮得岩岩好，飲落好唔錯除咗有吞拿魚他他之外，仲有沙律作為前菜，沙律除咗有蔬菜之外仲有生果，加上少少沙律醋，令到成個沙律好香好吸引，食完之後都覺得十分之開胃！除咗沙律之外，仲有一個鮮蝦杯，除咗有一隻十分之鮮甜嘅大蝦係入面之外，仲有少少沙律菜加上千島醬，又係另一個開胃之作！主菜方面叫咗牛扒，牛扒五成熟煎得啱啱好！一切開肉汁流晒出嚟，而且牛扒汁味道十分之香濃，用嚟點薯條就啱啱好，茄汁都可以慳返而朋友食呢一個魚，亦都有驚喜喎！魚皮煎得十分之香，食落一啲油膩感都冇。除此之外魚肉香滑，旁邊嘅南瓜蓉亦都同佢好夾。