樂園 (已搬遷) 新店位置

專程嚟到呢間小貓樂園幫朋友慶祝生日！入到餐廳，空氣出奇地清新，原來餐廳入邊放咗空氣清新機！👍🏻小貓非常可愛，完全唔驚人。😊🌈先來飲品，侍應推介呢杯新出嘅仙氣花浴，有淡淡玫瑰香味，配合柚子酸甜味，好夾好清新！最特別係呢樣飲品沖係個浴缸度，而隔離有個製，可以開花灑！🤣而朋友叫咗個榛子朱古力熱飲，上面鋪左個泡泡浴貓仔，浮下浮下，非常得意討好！🤣👍🏻而飲品味道亦很好，榛子香濃，飲落舒服！😌朋友生日特登叫咗個二人套餐，係食物板上面，餐廳可以幫我地寫啲字！💝二人餐嚟到，個食物板非常大塊，而食物味道亦調校得恰到好處！特別想讚，熟食蒜片牛柳粒，蒜片, 非常煙韌香口, 又牛樓粒牛味濃郁! 鵝肝多士，鵝肝表面煎得脆卜卜，外脆內軟，非常肥美！而牛油帆立貝亦好大粒，呈半熟狀態，抵讚！驚朋友唔夠飽，所以落埋個芝士有幾大啡菇！😋芝士軟熟，而大啡菇非常多汁，菇味重，新鮮！😊最後上埋個朱古力心太軟，呢樣都冇得彈！每樣碟上都好多得意嘅裝飾，非常細心！