CURATOR Art & Café (已結業)

細細個就鍾意小王子，呢日嚟到 K11 搵嘢食，見到呢間小王子設計主題餐廳，除咗門面有大大個小王子公仔，裡面仲有好多相關嘅精品，不過睇睇吓又唔止小王子喎，餐廳裡面仲有其他藝術家嘅作品，例如奈良美智等，咁有現代藝術氣息嘅餐廳，當然要打吓卡。呢間餐廳雖然唔大，但係感覺非常之唔錯，美食質素都唔錯，今次食咗 龍蝦意粉 同 羊架，味道都唔錯，尤其是個羊架，同佢講五成熟就真係做到五成熟，夠嫩滑，值得推介。另外佢仲有部可以打印相片嘅咖啡機，唔係玩拉花，係可以將自己個樣打印上杯咖啡度，嚟慶祝吓紀念日又多個 Gimick！