小甜谷 Dessert Kaffee (已結業)

我細細個就住喺西環堅尼地城，從來喺西環嘅食肆都係小店形式，食客通常都係附近嘅鄰居、一家大細光顧比較多。係大概10年前左右，屋企附近出現咗一間買糖水/甜品嘅小店，仲成日會出現人龍，食客通常係慕名而來（而不只是附近嘅鄰居），呢個就係我對「小甜谷」嘅印象。但係而家喺銅鑼灣嘅呢一間「小甜谷」又點只得糖水甜品咁簡單呢！地點方面：由於佢只係離地鐵站5至10分鐘路程，而且店舖門面好大，好容易就可以搵到。食肆環境：以白色嘅牆身配以白色雲石嘅小圓枱，同埋木櫈和木地板，俾人有一種簡約、休閑、舒服嘅感覺。食物方面：種類有好多無論係All day breakfast 、pasta、risotto...... 當然唔少得糖水/甜品啦。除咗食物之外，飲品嘅選擇都特別多！除咗好普通嘅咖啡奶茶，佢仲有沙冰、冰茶、特飲同埋神奇果汁（即係原個鮮榨果汁，仲要連殼上）是次晚餐我只係可以試到部份，所以有更多嘅原因比我下次同其他朋友再嚟過😅