樂天經典 (奧海城二期)

營業中

休息中

早前係奧海城睇戲前，先和男人去食個晚餐，首選樂天客棧 (現已改名為樂天經典)，所以今餐食記係以當晚用餐環境和食物為準，現在餐牌好像也轉了。這間分店的用餐環境和樂天皇朝的極俱中式裝潢截然不同，走簡潔明亮的設計，感覺舒適。餐牌上款式眾多，沒有了小籠包系統，多了多款特色中菜、冷盤小食，連一壺壺熱花茶都有。茶介 $7/位，另需加一服務費。手工蝦棗 $68外層炸漿夠薄和脆，裡頭填滿蝦棗(蝦膠)，也加入了馬蹄增加口感，味道豐富又香口。椒鹽香酥鮮淮山 $52炸得香酥的鮮淮山，淮山咬落爽脆，簡單加上椒鹽，喜歡香脆食物既小妹食唔停。菜香鐵板豆腐 $82不得不說呢個鐵板豆腐真係好好食！熱辣辣既鐵板上放了一大件玉子豆腐，上面淋上蛋汁，食落豆腐好滑溜，加埋超惹味既榨菜肉碎，撈飯一流。麥片蝦球 （細）$132一碟有六隻蝦球 ，面頭鋪上滿滿的麥片，食落蝦肉夠爽彈，外皮沾上麥片的蝦球食落多左份脆口感，仲帶有甜甜的味道，好特別，味道唔錯添，而且就咁食個堆麥片都幾好食！三色桂花班蘭糕 $32三色糕分別係班蘭、桂花和椰子的組合，三色糕咬落煙煙韌韌，食落有椰子的香甜，桂花的清香，係一個不錯的配搭。