豪仔記生滾粥

營業中

休息中

好耐之前係地舖食過生滾粥，咩味唔係好記得，印象中都係好味既，今日同男友食小菜同粥時間唔早9點有多人唔多，上菜都幾快，我好欣賞佢個前菜“椰菜+榨菜”唔會太咸或者太辣蠔仔粥（潮州粥）點會唔叫，超多蠔仔，隻隻脹卜卜，好鮮甜，千祈唔好加胡椒粉，蓋過晒鮮味本來我唔食田雞，可能口味轉左，男友話食唔到比佢食埋，田雞又唔似雞肉，都鮮甜，但唔係好接受到近似青蛙，好多朋友仔都話好多菌，我食個粥底算啦老乾醬爆豆角牛柳粒，夠晒惹味，好香唔辣，豆夠脆，牛柳諗滑，但唔似比梳打粉醃過薑蔥鯇魚腩，啖啖肉，唔會有細骨，油泡得好好，外脆內滑，薑同蔥都好好味，平時掉晒比男友食下次會試佢海鮮雜錦煲368蚊有鮑魚仔/聖子/扇貝……好似好豐富呢！