影片
更多
2023-01-31
1167 瀏覽
餐廳：小草十八怪石鍋米線 (旺角)地址：旺角亞皆老街36-38號龍飛大廈地下3-4號舖旺角呢間開咗一年有多嘅小草十八怪石鍋米線由開業到而家都喺一直有咁多人追捧🎉，咁又真嘅，可以俾你自己落手落腳去整屬於自己嘅石鍋米線又真喺幾少有，有得玩又有得食的確喺一個幾好嘅gimmick😆白居易嘅《賦得古原草送別》，正正道出咗小草擁有頑強生命力嘅特性，唔知餐廳又有冇機會好似某啲連鎖米線店咁遍地開「草」呢🌱？而除咗石鍋米線，餐廳仲有雞煲🐓、烤魚🐟、荷葉飯等人氣食物提供，大眾化得嚟迎合到唔同人嘅需要，加上價錢唔算太貴，難怪吸引到咁多人去幫襯啦🤪✝️石鍋米線套餐 (九餸) $92除咗一啲指定餸菜嘅米線🍜，小草最大特色喺可以俾你揀同埋自製一鍋屬於自己嘅米線。八款特色湯底，我就揀咗胡椒豬肚湯，有胡椒辣但豬肚同胡椒香唔算好出。叫咗個九餸石鍋米線，餸就揀咗封門牛肉(+$4)、五香辣豬軟骨(+$2)、棉花魚肚(+$5)、生菜🥬、牛丸(+$6)、嫩滑雞肉、香辣蕃茄牛肋條(+$4)、海藻同鯛魚片(+$4)。先放蔬菜喺加熱咗至高溫嘅石鍋底部，之後放入生肉，淋上熱湯，蓋上木蓋再加入米線同其他本身已經熟嘅肉類，呢鍋豐富香噴噴嘅米
地址：旺角亞皆老街36-38號龍飛大廈地下3-4號舖
旺角呢間開咗一年有多嘅小草十八怪石鍋米線由開業到而家都喺一直有咁多人追捧🎉，咁又真嘅，可以俾你自己落手落腳去整屬於自己嘅石鍋米線又真喺幾少有，有得玩又有得食的確喺一個幾好嘅gimmick😆
白居易嘅《賦得古原草送別》，正正道出咗小草擁有頑強生命力嘅特性，唔知餐廳又有冇機會好似某啲連鎖米線店咁遍地開「草」呢🌱？而除咗石鍋米線，餐廳仲有雞煲🐓、烤魚🐟、荷葉飯等人氣食物提供，大眾化得嚟迎合到唔同人嘅需要，加上價錢唔算太貴，難怪吸引到咁多人去幫襯啦🤪
✝️石鍋米線套餐 (九餸) $92
除咗一啲指定餸菜嘅米線🍜，小草最大特色喺可以俾你揀同埋自製一鍋屬於自己嘅米線。
八款特色湯底，我就揀咗胡椒豬肚湯，有胡椒辣但豬肚同胡椒香唔算好出。
叫咗個九餸石鍋米線，餸就揀咗封門牛肉(+$4)、五香辣豬軟骨(+$2)、棉花魚肚(+$5)、生菜🥬、牛丸(+$6)、嫩滑雞肉、香辣蕃茄牛肋條(+$4)、海藻同鯛魚片(+$4)。
先放蔬菜喺加熱咗至高溫嘅石鍋底部，之後放入生肉，淋上熱湯，
蓋上木蓋再加入米線同其他本身已經熟嘅肉類，呢鍋豐富香噴噴嘅米線就食得😋
✝️蒜蓉金菇粉絲奄仔蟹荷葉飯 $98
喺木盒裡面加入蒜蓉🧄、蝦米🦐、香蔥、金菇、粉絲、香菇粒、瑤柱等材料同醬油，連同一隻拆開咗、分咗件嘅奄仔蟹🦀，用荷葉包起蒸熟，
令飯底有淡淡荷葉嘅香味😍，食落鮮香惹味一啲都唔會好濃鹹，唯一食到底有少少油膩🤏，不過呢個價錢食到荷葉飯又食到奄仔蟹真喺算幾抵👍
小食方面，餐廳提供接近30款串燒，另外仲有接近20款特色小食，
我叫咗個涼拌牛肚($28)同
串燒椰菜仔($15)，配米線一齊食就啱晒🤓，
飲品跟主食加$14要咗個芒果凍頂烏龍茶，一嚟到見到用咗特大嘅杯裝住真喺嚇死人🤣，接近1L真喺好抵飲，食多啲辣嘢都唔怕頸渴冇嘢飲啦😝
張貼
