樂天冰室 (幸運工業大廈)

營業中

休息中

之前喺呢間餐廳食幾次都係小菜(因為佢啲小菜真係唔錯)，今次嚟到轉一轉口味，點了個常餐同特餐。先講一講個常餐：牛腩牛尾湯螺絲粉、火腿炒蛋、蒜蓉多士。個螺絲粉食落去酸中帶甜，個味道幾特別，同埋都幾多牛腩，不過煮得比較淋，如果有啲咬口會好啲。然後到個火腿炒蛋，火腿唔洗講啦，無咩特別，至於個炒蛋食落幾滑，唔錯。然後到個特餐：沙嗲牛肉麵、火腿炒蛋、蒜蓉多士。啲牛肉食落去正常，不過可以多啲汁，同埋再濃味啲會好啲。但係啲麵反而麻麻地，我覺得佢應該唔係大光麵(估錯唔好鬧)，食落口隻味麻麻，同埋麵身偏淋，同埋有啲粉，如果係其他麵會好啲。兩個餐最值得講嘅係塊蒜蓉多士，多士仲脆口，同埋都仲暖，而且蒜蓉都幾多，食落口係唔錯。