權發飯店 (已結業)

好一間非常旺場嘅街坊食肆，6點鐘已經全滿。雖然得7個人，但貪心地叫了8個餸，當然食唔晒，記得有以下嘅 :大班兩味 :　分別係炒球及炆頭腩，十分唔掂，魚唔係新鮮嘅，所以整到好咸嚟藏拙，完全冇鮮味，好難食，而且要成＄１８８，好唔抵。下次應該試炆班尾。本來味道可以俾5分，但因為呢樣嘢差所以要扣1分。蜜桃菠蘿咕嚕肉：抵讚！呢個餸最試到厨房功夫。肉應該係用枚頭，炸完之後可以keep到ｄ肉汁，肉唔靭，咬落去軟熟；ｄ配料炒得好，唔太油，青椒夠青翠爽口；個甜酸汁較得恰到好處，甜同酸味剛好，加埋d蜜桃同菠蘿平衡令個餸唔太膩，好薑葱桶蠔：蠔夠大隻夠鮮，薑葱夠惹味，加埋用沙窩上熱辣辣，討好琵琶豆腐：做成球狀，微炸之後外皮幾香，個獻唔太杰，老人家最啱食蒜香雞：半隻已經好大份量，皮脆肉嫩，好正重有兩個小菜，印象唔係太深呢到真係好夾抵食，一家大細食飯最啱，但要早去等位。