利苑酒家 (已結業)

利苑晚餐ｄ小菜睇下你識唔識叫啦～有ｄ都幾有特色。脆炸石蠔－３０蚊一隻，超級好味！推介呀！千葉豆付－ｄ豆付真係千葉架，師傅ｄ刀法好勁！賣相好靚～食落去就比較普通。我諗貴ｏ係ｄ手工度，因為成碟都唔知有冇兩磚豆付。燒雞半隻－佢地唔會俾野你點的，因為話師傅整ｏ個陣ｄ味已經入哂落雞肉度。ｄ皮好脆呀，隻雞唔肥幾新鮮。至於其餘ｄ炒菜真係碟碟都臘臘拎，比較多油，但我婆婆就話好有獲氣喇。係幾香～但女仔見到可能會驚，哈哈。５個人都食左成千蚊～仲貴過美心。但服務好好，同埋ｄ賣相真係好靚好有特色，杏仁糖水出名好味。但就廿幾蚊一碗仔～略貴囉。