影片
更多
2023-09-12
43 瀏覽
餐廳係一般街坊茶餐廳/小菜館格局，每張枱上邊都預備咗電磁爐。因為餐廳係主打雞煲，魚鍋，食完仲可以加配料打邊爐。一坐低，就有職員過嚟介紹招牌菜，除咗雞煲同埋魚鍋之外，仲介紹咗幾款招牌小菜。聽到啲小菜覺得好吸引。所以叫咗四款小菜食：黄金蝦球 ＄148一碟有好多，而且每隻都好大，鹹蛋黃醬好香口，仲食到一粒粒鹹蛋黃，味道調校得好好，蝦爽口彈牙。香煎墨魚餅 ＄138好足料，又唔會好多油。千鍋椰菜花＄98呢個煲超大，比我想像中大好多，佢雖然淨係寫椰菜花，不過裏面係有啲豬肉，少少辣，好惹味。蒜蓉蒸龍躉＄208好似平時酒樓或者海鮮菜館清蒸龍躉頭腩一樣，食得出係好新鮮。估唔到小店都有咁嘅質素，份量又多，超抵食。總結：每樣小菜都做得出色，廚師應記一功。冇咩味精，食完唔會口渴。雖然係街坊小店，冇咩裝修可言，因為好食，一定會再幫襯。
一坐低，就有職員過嚟介紹招牌菜，除咗雞煲同埋魚鍋之外，仲介紹咗幾款招牌小菜。聽到啲小菜覺得好吸引。
所以叫咗四款小菜食：
黄金蝦球 ＄148
一碟有好多，而且每隻都好大，鹹蛋黃醬好香口，仲食到一粒粒鹹蛋黃，味道調校得好好，蝦爽口彈牙。
香煎墨魚餅 ＄138
好足料，又唔會好多油。
千鍋椰菜花＄98
呢個煲超大，比我想像中大好多，佢雖然淨係寫椰菜花，不過裏面係有啲豬肉，少少辣，好惹味。
蒜蓉蒸龍躉＄208
好似平時酒樓或者海鮮菜館清蒸龍躉頭腩一樣，食得出係好新鮮。估唔到小店都有咁嘅質素，份量又多，超抵食。
總結：每樣小菜都做得出色，廚師應記一功。冇咩味精，食完唔會口渴。雖然係街坊小店，冇咩裝修可言，因為好食，一定會再幫襯。
張貼
