影片
更多
2013-06-25
233 瀏覽
今日同媽媽和姪女吃午餐，因為媽媽鍾意食燒雞泡魚，所以肉赤小小$58/碟都叫咗個唻食，雖然份量唔多，但又燒得好好食，軟軟哋有啲汁，唔會好硬好乾。個三文魚鐵板飯有5片3吋左右既三文魚，飯就只得一個飯碗咁多，一個女仔食都食得曬。 因為等咗好耐個拉麵先到，所以食咗一半先記得影相。個湯底唔太濃，但又唔算淡，相信一般大眾都會接受到。可是，對於食得清淡既我唻講，食食吓都覺得味蕾被濃湯包圍，所以小妹下次都應該只會再叫定食。豬軟骨就一般水準，無乜特別。本來想叫多個飯或麵，但姪女話無野啱食，寧願叫多個小食，咁就叫咗個炸雞軟骨，份量夠4至5人食，炸物對我唻講係小食多滋味，幸好佢唔係炸到好濃，Good！
個三文魚鐵板飯有5片3吋左右既三文魚，飯就只得一個飯碗咁多，一個女仔食都食得曬。
因為等咗好耐個拉麵先到，所以食咗一半先記得影相。個湯底唔太濃，但又唔算淡，相信一般大眾都會接受到。可是，對於食得清淡既我唻講，食食吓都覺得味蕾被濃湯包圍，所以小妹下次都應該只會再叫定食。豬軟骨就一般水準，無乜特別。
本來想叫多個飯或麵，但姪女話無野啱食，寧願叫多個小食，咁就叫咗個炸雞軟骨，份量夠4至5人食，炸物對我唻講係小食多滋味，幸好佢唔係炸到好濃，Good！
題外話/補充資料：
因為姪女遲到，我同媽媽首先叫咗燒雞泡魚同三文魚鐵板飯，個燒雞泡魚等咗十五分鐘左右就有，反而個三文魚鐵皮板飯等咗二十分鐘。
加單時叫既豬軟骨拉麵同炸雞軟骨，叫咗二十分鐘都未有，催佢之後再等咗五分鐘先到。
但其實呢日無坐滿，到底係漏單還是厨房做唔切都好，對於只有一個鐘午餐時間既打工一族唻講，呢二十分鐘等太耐啦！
(以上食評乃用戶個人意見 , 並不代表OpenRice之觀點。)
張貼
