富山麵家

營業中

休息中

剛剛係日本旅行完返黎，心情仍然好亢奮，所以要繼續食日本野延續果份快樂……拉麵以外，今日同朋友share左三款小食，第一款係胡麻溫室蕃茄，好適合而家呢d咁熱既天氣食，又健康，番茄已經砌成一份份，好方便食，麻醬開胃，溫室番茄味道特別清甜，成個dish感覺好清新。第二款係富山手羽，將雞翼輕輕放係咀唇邊，已經感受到果種即叫即煎既熱度，香脆外皮充滿芝麻香，入面肉嫩juicy，我食得快，所以食左三隻，哈哈哈。仲有一款係餃子，好鍾意食金黃脆底既日式煎餃，餡料主要係椰菜、豬肉同韭菜，口感特別香脆同豐富，點埋餃子汁更加好食。