影片
更多
2019-09-22
126 瀏覽
越南野真係愈開愈多，今晚黎到銅鑼灣，就揀左依間越南餐廳！一搭lift上到餐廳已經好多人，好彩仲有張二人枱！揀左特上小食拼盤， 超級豐富，有越式炸牛油雞翼、春卷、手打蝦餅、炸扎肉扎肉串同椒鹽軟殼蟹各兩件，蝦餅好有驚喜，真係好彈牙，食得出係落足蝦肉，唔似平時出面食到既蝦餅太多麵粉實的的！炸牛油雞翼同椒鹽軟殼蟹炸得好香脆，炸札肉比札肉串更加惹味！然後再嗌左碗大Size既生熟牛肉金邊粉，依度湯河既分量會分為普通、大同埋特大，大Size已經大到差唔多放唔落個枱面，份量好足料，牛肉生熟岩岩好！餐廳仲好細心一早用另一個碗裝好配料，有芽菜、紫蘇葉、辣椒同青檸，鐘意落幾多就幾多，抵讚！另外仲嗌左香茅豬扒撈檬，豬扒好重香茅味，食落惹味，加埋酸酸甜甜既撈檬，感覺好開胃！
今晚黎到銅鑼灣，就揀左依間越南餐廳！
一搭lift上到餐廳已經好多人，
好彩仲有張二人枱！
揀左特上小食拼盤， 超級豐富，
有越式炸牛油雞翼、春卷、手打蝦餅、
炸扎肉扎肉串同椒鹽軟殼蟹各兩件，
蝦餅好有驚喜，真係好彈牙，
食得出係落足蝦肉，
唔似平時出面食到既蝦餅太多麵粉實的的！
炸牛油雞翼同椒鹽軟殼蟹炸得好香脆，
炸札肉比札肉串更加惹味！
然後再嗌左碗大Size既生熟牛肉金邊粉，
依度湯河既分量會分為普通、大同埋特大，
大Size已經大到差唔多放唔落個枱面，
份量好足料，牛肉生熟岩岩好！
餐廳仲好細心一早用另一個碗裝好配料，
有芽菜、紫蘇葉、辣椒同青檸，
鐘意落幾多就幾多，抵讚！
另外仲嗌左香茅豬扒撈檬，
豬扒好重香茅味，食落惹味，
加埋酸酸甜甜既撈檬，感覺好開胃！
特上小食拼盤
4 瀏覽
0 讚好
0 留言
特上小食拼盤
6 瀏覽
0 讚好
0 留言
香茅豬扒撈檬
12 瀏覽
0 讚好
0 留言
張貼
