八八八拉麵 (已結業)

朋友係外國番黎玩，食左好多餐中菜，今晚轉下口味，食下拉麵：豬骨湯叉燒拉麵 ($55)：豬骨湯清香，但濃郁些會更好味。拉麵彈牙。叉燒鮮味，但不及交易廣場札幌拉麵店的肉嫩。醬油味魚湯北海道牛油粟米拉麵 ($60)：魚湯鮮味，比豬骨湯好。但加牛油於湯底不見得更好，食唔出分別。炸芝士 ($28)：細細粒，一啖一粒好正。外脆，內里芝士軟滑香濃，必食！煎餃子 ($28)：皮薄，內餡有汁鮮味，正！呢度既小食真係好味，比拉麵更有驚喜！