影片
更多
2023-08-27
37 瀏覽
觀塘商廈有好多唔同類型嘅樓上餐廳，今次試咗呢間西餐廳，以鹿🦌為主題，綠色為主調，帶點森林系嘅感覺。.🦪 生蠔 $10/隻餐廳做緊優惠，晚市人均消費滿$100就可以換購$10/隻生蠔，好抵食！生蠔size都ok，肉質爽滑creamy，帶淡淡海水味，夠新鮮。.🦀 明太子蟹肉酥盒 $138酥盒焗得幾酥鬆，餡料都幾足，明太子鹹香惹味，同蟹肉好夾，一啖一件啱啱好。.🐥 雪山雞翼 $88雞翼新鮮炸起，外皮香脆，肉質咬落幾juicy，灑上滿滿帶蜜糖甜味嘅芝士粉，香口滋味( ˘ ³˘) .🥑 軟殼蟹牛油果意大利飯 $158軟殼蟹大隻厚肉，外層炸漿唔會太厚，炸得金黄酥脆，唔會有油膩感。Risotto煙韌有咬口，牛油果醬汁creamy包住飯粒，入面仲有芝士碎、牛油果肉、三色椒等，令口感同味道更豐富。.💧人魚之淚 $52餐廳嘅特飲賣相都幾靚，呢杯mocktail上層係蝶豆花、下層係芒果＋鮮奶，漸層嘅顏色好夢幻！飲落似芒果乳酪，味道清新自然，驚喜係仲有爆爆珠，更增添口感。.總括而言：餐廳地方濶落，用餐環境舒適寧靜。食物質素不錯，選擇都算多，今次生蠔真係抵食，佢哋逢星期一至四都會有特別優惠*\(^o^)/* 平
.
🦪 生蠔 $10/隻
餐廳做緊優惠，晚市人均消費滿$100就可以換購$10/隻生蠔，好抵食！生蠔size都ok，肉質爽滑creamy，帶淡淡海水味，夠新鮮。
.
🦀 明太子蟹肉酥盒 $138
酥盒焗得幾酥鬆，餡料都幾足，明太子鹹香惹味，同蟹肉好夾，一啖一件啱啱好。
.
🐥 雪山雞翼 $88
雞翼新鮮炸起，外皮香脆，肉質咬落幾juicy，灑上滿滿帶蜜糖甜味嘅芝士粉，香口滋味( ˘ ³˘)
.
🥑 軟殼蟹牛油果意大利飯 $158
軟殼蟹大隻厚肉，外層炸漿唔會太厚，炸得金黄酥脆，唔會有油膩感。Risotto煙韌有咬口，牛油果醬汁creamy包住飯粒，入面仲有芝士碎、牛油果肉、三色椒等，令口感同味道更豐富。
.
💧人魚之淚 $52
餐廳嘅特飲賣相都幾靚，呢杯mocktail上層係蝶豆花、下層係芒果＋鮮奶，漸層嘅顏色好夢幻！飲落似芒果乳酪，味道清新自然，驚喜係仲有爆爆珠，更增添口感。
.
總括而言：餐廳地方濶落，用餐環境舒適寧靜。食物質素不錯，選擇都算多，今次生蠔真係抵食，佢哋逢星期一至四都會有特別優惠*\(^o^)/* 平日放工同朋友食飯傾偈又多一個好選擇。
張貼
