京魂一 (已結業)

一般來說，人們walk in揀食肆，大多數都會先係鋪頭外面「裝」下多唔多人食先決定入唔入去，少人幫襯的食店通常都係代表質素差。不過凡事都總有例外，有時少人幫襯，可能係因為食物太貴，或者食肆選址太「隔涉」。而位於九龍城的京魂一應該唔係以上兩個原因，我諗係因為九龍城食肆太多，佢呢ｄ細鋪根本就好難做得住。加上鋪頭太細間，想一大棚人食飯，一定唔會去呢度。無論如何，一次機緣巧合下，我係呢度遇上了令我印象深刻的窩蛋牛肉餅飯。一試難忘。午飯時間，入去京魂一，有幾個非常後生的男侍應。放左約十張台的鋪頭，坐左唔到一半的食客，多數是一人客。昏暗的燈光下，播住有ｄ舊的日文歌，氣氛好清靜，個人都放鬆下來。一坐底，未叫野食，個侍應已經拎左杯綠茶、前菜（迷你沙律）同甜品（大菜糕）比你。我見個窩蛋牛肉餅飯定食有店主推介個ＬＯＧＯ，於是搏一搏。相中見到，前菜、味噌湯、飯及沙律、甜品，盛惠$32蚊。物超所值啦。無諗過32蚊的飯可以好食得去邊。點知......真係咁好味。牛肉餅入口鬆軟，調味適中，啖啖juicy，肉香在口腔內四射，好正呀）））））加埋牛肉的好拍檔－太陽蛋，以及軟糯的珍珠米，ＯＭＧ......簡直人間美食！