Ocio (已結業)

呢次係第一次喺呢度食甜品，對上一次黎係食正餐，印象中啲嘢食幾好味賣相又靚。呢度d甜品做得好精緻，尤其大熱嘅馬卡龍雪糕，一定係女仔大愛，一排靚靚嘅馬卡龍，每個中間都夾住唔同口味嘅雪糕，外脆內凍hahaha，好特別嘅食法。另外Tiramisu配綠茶雪糕都好好食，tiramisu相對外面既較淡但配埋綠茶味就岩岩好，之前真係未試過呢隻組合。呢間舖既格調好好，又會播下外國音樂，就好似去左外國度假咁。雖然價錢有少少貴，但不失為一個同「閨蜜」high tea既好地方！