影片
更多
2019-10-06
66 瀏覽
還記得早幾年臺式咖啡店十分出名，基本上係打卡神物，當年我都曾經去過朝聖。不過由於某某臺式咖啡店已經結業曬，好想緬懷一下，所以我哋今日就嚟到臺式咖啡店嘅另一龍頭，Dazzling CafeDazzling Cafe係走少女風，就算係餐廳標誌同裝修都係非常少女，張凳直頭有兔仔耳仔添。連喺度做嘅職員都係著上女僕裝，十分卡娃兒。呢度每日最低消費為一杯飲品，我哋就叫左兩杯飲品，兩個主菜，仲有不得不試呢度嘅甜品。Dazzling 紅茶。用自己個名嚟做嘅紅茶應該有返咁上下質素，的確生果肉都幾豐富，而且我喜歡佢唔太甜，有多些少紅茶味，30幾蚊嚟講性價比非常高。Dazzling Cafe 特調。又係另一主打，這杯飲品係貴多少少，但絕對係交足功課，睇睇佢個賣相已經係不得了，女朋友馬上要拎住杯飲品嚟自拍。而這杯特飲落去嘅梅味好重，似乎真係落足料，甜度適中，推薦這杯飲品。明太子義大利麵。呢個意粉比我想像中好食好多，由於佢嘅sauce 整得非常creamy，明太子嘅分量亦都十足，所以食起嚟好滿足，每條麵都掛起好多明太子，諗起都正。和風Bbq豬扒三文治。呢個又係另一個賣點。可能本人比較鍾意食包嘅關係，佢呢個多士烘
還記得早幾年臺式咖啡店十分出名，基本上係打卡神物，當年我都曾經去過朝聖。不過由於某某臺式咖啡店已經結業曬，好想緬懷一下，所以我哋今日就嚟到臺式咖啡店嘅另一龍頭，Dazzling Cafe
Dazzling Cafe係走少女風，就算係餐廳標誌同裝修都係非常少女，張凳直頭有兔仔耳仔添。連喺度做嘅職員都係著上女僕裝，十分卡娃兒。
呢度每日最低消費為一杯飲品，我哋就叫左兩杯飲品，兩個主菜，仲有不得不試呢度嘅甜品。
Dazzling 紅茶。
用自己個名嚟做嘅紅茶應該有返咁上下質素，的確生果肉都幾豐富，而且我喜歡佢唔太甜，有多些少紅茶味，30幾蚊嚟講性價比非常高。
Dazzling Cafe 特調。
又係另一主打，這杯飲品係貴多少少，但絕對係交足功課，睇睇佢個賣相已經係不得了，女朋友馬上要拎住杯飲品嚟自拍。而這杯特飲落去嘅梅味好重，似乎真係落足料，甜度適中，推薦這杯飲品。
明太子義大利麵。
呢個意粉比我想像中好食好多，由於佢嘅sauce 整得非常creamy，明太子嘅分量亦都十足，所以食起嚟好滿足，每條麵都掛起好多明太子，諗起都正。
和風Bbq豬扒三文治。
呢個又係另一個賣點。可能本人比較鍾意食包嘅關係，佢呢個多士烘得非常之鬆脆，已經加左分。再加上豬扒都炸過嚟嘅，同埋非常厚肉，兩樣嘢加埋嚟食就好幸福喇。
繽紛苺果布里歐
呢個甜品系今日嘅MVP ，包底非常厚實又鬆脆，甜品上面嘅忌廉又係非常之邪惡，就算平時唔食忌廉嘅我，見到今日呢嚿忌廉都真係欲罷不能，撈住個包底食真係好好食，另外都有啲新鮮草莓，作為點嘅係唔錯嘅。
總結，無論係餐廳環境，侍應服務態度，同埋食物嘅質素，都係令人滿意，所以推薦男女拍拖，或者一班閨蜜來度食飯傾計。
張貼
