蝦麵店 (荃新天地) (已結業)

蝦麵店喺灣仔初開嘅時候，可能大約20年前?🤔🤔 我去過幾次，當時年紀非常小😆，印象中好食，但係已經忘記具體嘅味道😅，亦都唔知點解之後冇再去😅大約兩年前喺荃灣開分店，今日終於去午餐。叫咗佢嘅「辣味蝦湯底蝦肉肉片麵」，我另加芽菜。套餐包小食同飲品，我就叫咗「馬來香炸雞翼」同埋凍檸茶。好快啲嘢食就嚟晒。碗麵上枱嘅時候，血紅湯底都幾吸睛😅，以為好辣，飲一啖湯，隱約有蝦味，微辣，唔難飲。蝦肉似蝦乾浸水（靚嘅蝦乾係貴嘢🤣），我只係咁樣形容蝦嘅肉質同味道，並非認為佢真係蝦乾浸水；味道可以。肉片味道就非常一般。油麵就幾好食，全碗麵最好味就係啲麵，唔係配料或湯😅兩隻雞翼熱辣辣味道可以。凍檸茶係大熱天時當然清涼解渴啦😁印象中當年喺灣仔食，湯底好正好濃郁，但時間久遠，已經唔能夠講出具體滋味；今日荃灣鋪嘅評語就係非常一般。