十三少 (已結業)

星期日1845 Walk in等位，等左15分鍾就有位，之後開始多人。餐廳門面唔大，但因為新開，都好光鮮好新淨，感覺都有D新派。一入到去，侍應快手快腳幫我地set好哂位，朋友未到我地等左一陣先落order佢地都冇催，仲時不時幫我地加水，服務都好好，好caring。叫左個4人餐，簡左薯絲，川式口水雞，腰果辣子雞軟骨，大份十三少酸菜魚，仲送左4個飯。1.十三少酸菜魚充滿咸鮮味，但可以再辣D酸D，好鬼大份，仲送左萵筍。2.川式口水雞冇骨同幾滑，但比較油同淡，冇咩特別。3.辣子雞軟骨呢個足味，腰果好脆，成碟野都唔算油，比較乾身，女仔應該會幾中意，但份量就唔算大碟。老實講，份量真係好多，到最後都有個飯係食唔哂。Total 食左$660/4人，下次叫佢辣番D應該會再好食好多。