合時小廚 (裝修中)

今日同同事黎試下新既餐廳， 同事話係米芝蓮餐廳，入到去有d似醉瓊樓， 連d送都好似。我地3個人叫左1個2人餐同口水雞。2人餐－蕃茄豬扒飯：碟飯好大碟， 我地3個人都食唔晒， d茄汁有d似港式西餐既蕃茄汁。豬扒冧但又唔會太多軟， 份量十足。2人餐－腐竹白菜：里面有d雞脾菇，好香，應該係預先處理過。腐竹索d湯汁。口水雞：味道合到好處， 雞肉滑嫩， 麻辣味都唔會好霸道。好想再試焗豬扒飯， 但要最少6個人先可以叫， 睇黎要再等下。