嘉豐點心專門店

營業中

休息中

聽朋友講依間點心店出名係即叫即蒸，所以好食出名。難得今次可以星期六休息，就同朋友特登黎試下。店面唔大，佢係連左右兩間都租左，所以係三合為一，但無打通，所以一間滿人，你地要去隔離間睇下。等左10分鐘，終於有位坐低。隔離同台既婆婆好心提我地，依度既點心同飯都大份夾低食。所以兩個人就叫左兩個飯加兩個點心。潮流粉粿係朋友置愛。依度既粉粿大大粒，而且皮薄料足，好食。蝦餃係我既最愛。依度既蝦餃皮薄就不講啦，平時酒樓既蝦餃最多咪1粒蝦，依度係有2粒蝦係1隻蝦餃內邊。料足之餘仲要新鮮。正。鳳爪排骨飯大大碗，1個男人叫1份飯加1份點心，完全夠飽。要講唔好既就係依度地方唔大，唔好期望可以好似茶樓甘可以慢慢坐，hea一朝早。見甘多人係出面等，你都唔好意思霸住張台睇報紙。