卷王 (已結業)

香港真係好少會有立食嘅地方，難得經過旺角，一於試一次啦！餐廳門口已經貼晒所有餐牌，一目了然。除左丼之外仲有好多手卷。手卷嘅選擇都有好多，而且每款手卷都有四種嘅自選料，真係好難揀嫁！而今次一於決定試下北海道刺身丼啦！因為一個丼可以食齊幾款刺身，而且每款刺身都有三件，少少地先可以食多幾款嫁嘛。而呢個丼有三文魚、帶子、玉子及鮮蝦。先講講刺身吧，三文魚雖然唔係魚腩，但都係好厚好大件。而且價錢都唔貴，不過因為佢地位置唔多，所以外賣就最好不過啦！