瑞峰軒

營業中

休息中

今日係母親大人生日，我就想去酒樓食個晚飯慶祝下，畢竟老一輩人都係鐘意食中式。問題就黎喇，相信大家如果揀食中餐一定會諗起美心，稻香，富臨呢d大集團酒樓，而未入去食都一定知道有龍蝦伊麵，XXXX羹，炒斑球，鮑汁螺片浸菜苗等等，食到5想食了，太重複和單一。所以我就想試下小本經營既小店話5定有驚喜，我就揀左最近新開張而又近既呢間鋪: 瑞峰軒 錦我就book左3位 8點，8點到 等多5分鐘就有位，入到去比想像中細，不過裝修好新，員工都有禮貌。 之後我就叫左個冬瓜盅，個冬瓜盅好足料，差5多淡淡都有蝦肉或雞肉，個湯都好甜，飲完喉嚨係舒服既而5係好口渴。 之後仲有菠蘿咕嚕肉都5錯，層炸粉好薄，肉係爽既。仲有一個雜菜粉絲煲，好大煲，多到有d粉絲都浸5到上湯，味道都幾好，5會太淡味。 之後仲有其他餸，5講哂喇，留翻d神秘感。總結而言，係幾好食既，以後食中餐可以留意下非集團式經營既店，有驚喜嫁