影片
更多
2023-06-14
24 瀏覽
好耐冇嚟過堅尼地城搵食，今晚就應友人邀約嚟荷蘭街呢間主打 Tap Beer 同 New York Pizza 嘅酒吧餐廳一聚。店舖嘅裝修好有格調，磚紅色門面再配以室內嘅原木傢俱、霓虹燈裝飾、半圓烤爐和牆上的掛相，佈置吹紐約風。點咗個二人套餐，每位 $238，包前菜、雞翼、沙律、薄餅或意粉及 330ml 啤酒兩杯。招牌肉丸：肉丸有兩大粒，由豬肉同牛肩肉等製成，食落肉質好鬆化，鮮嫩 Juicy，配埋面頭富鹹香嘅羊奶芝士一齊食，味道一流！威士忌燒烤炸雞翼：雞翼偏大隻，外皮炸至脆身，雞肉好嫩滑，加上喺烹煮過程時酒精已完全揮發，入口冇苦澀味，配埋啲西芹同薑蓉酸忌廉醬吃，味道更佳。腐乳汁凱撒沙律：沙律菜好新鮮，叉燒粒大小適中，入口鹹香惹味，雲吞皮香脆 crispy，同腐乳汁好夾，中西合壁，口感好登對。白鬼叉燒薑蓉薄餅：呢個薄餅超級推薦，配料比例啱啱好，handmade sourdough 軟硬適中，邊位帶微微焦香，叉燒香甜又唔過膩，配埋薑蓉同芝士，帶濃厚港式風味。飲品包兩杯啤酒，亦可以點選 Mocktail。呢杯少爺啤 Another One，飲落質感好清爽，入口果香馥郁，帶淡淡甜味，將啤酒花嘅微
好耐冇嚟過堅尼地城搵食，今晚就應友人邀約嚟荷蘭街呢間主打 Tap Beer 同 New York Pizza 嘅酒吧餐廳一聚。
店舖嘅裝修好有格調，磚紅色門面再配以室內嘅原木傢俱、霓虹燈裝飾、半圓烤爐和牆上的掛相，佈置吹紐約風。
點咗個二人套餐，每位 $238，包前菜、雞翼、沙律、薄餅或意粉及 330ml 啤酒兩杯。
招牌肉丸：肉丸有兩大粒，由豬肉同牛肩肉等製成，食落肉質好鬆化，鮮嫩 Juicy，配埋面頭富鹹香嘅羊奶芝士一齊食，味道一流！
威士忌燒烤炸雞翼：雞翼偏大隻，外皮炸至脆身，雞肉好嫩滑，加上喺烹煮過程時酒精已完全揮發，入口冇苦澀味，配埋啲西芹同薑蓉酸忌廉醬吃，味道更佳。
腐乳汁凱撒沙律：沙律菜好新鮮，叉燒粒大小適中，入口鹹香惹味，雲吞皮香脆 crispy，同腐乳汁好夾，中西合壁，口感好登對。
白鬼叉燒薑蓉薄餅：呢個薄餅超級推薦，配料比例啱啱好，handmade sourdough 軟硬適中，邊位帶微微焦香，叉燒香甜又唔過膩，配埋薑蓉同芝士，帶濃厚港式風味。
飲品包兩杯啤酒，亦可以點選 Mocktail。呢杯少爺啤 Another One，飲落質感好清爽，入口果香馥郁，帶淡淡甜味，將啤酒花嘅微苦平衡得恰到好處。
至於呢杯 Passionfruit Virgin Mojito 亦很有特色 ，味道清新怡人，加上以新鮮嘅薄荷葉作點綴，簡直透心涼。
另外餐廳仲有個 2 小時 $300/head 嘅 freeflow 優惠，當中包咗 5 款啤酒加 1 梳打、House Red & White wine、罐裝 Higherthan、Highball、梳打、檸檬水及果汁，下次要約埋個好姊妹過嚟暢飲一番。
張貼
