影片
更多
2022-04-12
198 瀏覽
剛開嘅時候都食過幾次，覺得味道唔錯，冇味精食完都唔會太口渴。但近排再食覺得水準有下降。樓面個阿姐態度由剛開到而家都係咁差，完全冇改善，真係每次都有新野去疾客人！🍜日本葛絲配三餸 $54★★★☆☆呢到最特別應該喺麵底有得簡日本葛絲(+$2)，完全唔覺出面嘅車仔麵店有呢個選擇！日本葛絲其實係葛粉同馬鈴薯澱粉混合而成，喺日本好常用喺日式火鍋。葛絲呈透明闊條狀，個口感幾獨特，煙靭得黎又有少少爽口，同埋都幾滑溜柔軟，少少食緊硬身啫喱感覺，但完全唔似薯粉、蒟蒻。個人幾鍾意呢個口感，雖然唔會超級索湯同入味，但配埋佢個鰹魚雞湯底都幾夾，湯底好濃郁冬菇味道，但今次食個湯底偏咸餸麵都OK，但就咁清飲就太咸！🍜三餸(柱候牛肋條、即炸魚片頭、關東煮蘿蔔)柱候牛肋條有驚喜，有兩大條，炆得好入味同埋軟腍完全不韌，啖啖肉。即炸魚片頭有3舊，可能外賣關係冇咁脆口，但食落有魚味同幾彈牙，唔差！關東煮蘿蔔今次真係唔掂，表示好失望，因為之前幾次食都覺得好正，好清甜有日本7-11個隻感覺，但今次個蘿蔔完全唔清甜，仲有1-2舊帶酸添。🌟總括：水準比之前食真係下降左，但整體黎講唔差，中规中矩。食落偏日式風味，湯底帶甜味，喺普通車
剛開嘅時候都食過幾次，覺得味道唔錯，冇味精食完都唔會太口渴。但近排再食覺得水準有下降。樓面個阿姐態度由剛開到而家都係咁差，完全冇改善，真係每次都有新野去疾客人！
11 瀏覽
0 讚好
0 留言
🍜日本葛絲配三餸 $54★★★☆☆
呢到最特別應該喺麵底有得簡日本葛絲(+$2)，完全唔覺出面嘅車仔麵店有呢個選擇！日本葛絲其實係葛粉同馬鈴薯澱粉混合而成，喺日本好常用喺日式火鍋。葛絲呈透明闊條狀，個口感幾獨特，煙靭得黎又有少少爽口，同埋都幾滑溜柔軟，少少食緊硬身啫喱感覺，但完全唔似薯粉、蒟蒻。個人幾鍾意呢個口感，雖然唔會超級索湯同入味，但配埋佢個鰹魚雞湯底都幾夾，湯底好濃郁冬菇味道，但今次食個湯底偏咸餸麵都OK，但就咁清飲就太咸！
26 瀏覽
0 讚好
0 留言
🍜三餸(柱候牛肋條、即炸魚片頭、關東煮蘿蔔)柱候牛肋條有驚喜，有兩大條，炆得好入味同埋軟腍完全不韌，啖啖肉。即炸魚片頭有3舊，可能外賣關係冇咁脆口，但食落有魚味同幾彈牙，唔差！關東煮蘿蔔今次真係唔掂，表示好失望，因為之前幾次食都覺得好正，好清甜有日本7-11個隻感覺，但今次個蘿蔔完全唔清甜，仲有1-2舊帶酸添。
🌟總括：水準比之前食真係下降左，但整體黎講唔差，中规中矩。食落偏日式風味，湯底帶甜味，喺普通車仔麵中比較特別。餸菜大多數都OK，份量都唔會太少。但員工嘅態度麻麻！
張貼
