告白果屋 (已結業)

同朋友本身諗住去太子試一間新開既台式野飲，但行行下見到呢間野，仲出左芋圓同埋黑糖珍珠鮮奶，所以就走左入去！ 佢有個set係芋圓加野飲，total $58.芋圓有兩款，應該係芋頭同蕃薯味。而且佢啲珍珠係椰糖珍珠，係其他地方應該食唔到！ 分量都幾大碗，個底係仙草，芋圓大大粒，有成8粒左右，仲有好多珍珠同埋一舊啫哩咁既野，個presentation 都幾靚！ 味道方面，其實芋圓同珍珠都幾煙韌，不過唔知係咪太少椰糖，整體都偏淡，如果甜返啲個味應該好味啲。野飲叫左杯椰糖珍珠鮮奶，比起依排大熱既黑糖珍珠鮮奶好似特別啲！珍珠都算煙韌，但冇乜椰糖味，同埋杯野飲都係冇乜甜味，但奶味好濃，比平時飲既奶杰好多，應該有加其他野，整體一般般啦。