影片
更多
2019-10-14
420 瀏覽
Miam Bakery #西營盤一間新開嘅法式麵包店，有各式各樣嘅法包同埋貝高，每日都會有少少唔同嘅款式。肉桂卷 $26好耐冇食過肉桂卷，因為唔好味嘅肉桂係真係可以好難食，但係見到呢個外型好靚，一層層厚薄平均包住啡啡稠稠嘅玉桂，所以決定一試。果然冇失望，玉桂味的確非常香，加上有少少糖霜喺度所以食落去係會微脆。雖然肉桂卷真係好甜，但係間唔中食一個過下癮都幾好。貝高 $26 x2今次有兩款唔同嘅口味，一款係少少蒜香再包住cream cheese，另一款就係墨西哥粟米。呢度買嘅bagel口感似New York style，食落去紮實煙韌，會帶少少粗糙，而且味道唔會話特別香濃，但係就有少少美味嘅香草味同埋食返去麵包本身嘅香。而且餡料亦都唔係話特別多，同台灣嘅bagel風格好唔同。cream cheese都係鹹用嚟搽麵包嗰隻。我自己覺得New York定係台灣都各有各好，不過如果你係餡料控又或者鍾意軟熟少少嘅貝高嘅話，呢個就未必啱你。整體來講三個包味道都不俗，喺香港好難搵到呢類型嘅麵包店，但係未至於好味道會成日幫襯。味道:3.8/5性價比: 3.8/5
一間新開嘅法式麵包店，有各式各樣嘅法包同埋貝高，每日都會有少少唔同嘅款式。
肉桂卷 $26
好耐冇食過肉桂卷，因為唔好味嘅肉桂係真係可以好難食，但係見到呢個外型好靚，一層層厚薄平均包住啡啡稠稠嘅玉桂，所以決定一試。
果然冇失望，玉桂味的確非常香，加上有少少糖霜喺度所以食落去係會微脆。雖然肉桂卷真係好甜，但係間唔中食一個過下癮都幾好。
貝高 $26 x2
今次有兩款唔同嘅口味，一款係少少蒜香再包住cream cheese，另一款就係墨西哥粟米。
呢度買嘅bagel口感似New York style，食落去紮實煙韌，會帶少少粗糙，而且味道唔會話特別香濃，但係就有少少美味嘅香草味同埋食返去麵包本身嘅香。
而且餡料亦都唔係話特別多，同台灣嘅bagel風格好唔同。cream cheese都係鹹用嚟搽麵包嗰隻。
我自己覺得New York定係台灣都各有各好，不過如果你係餡料控又或者鍾意軟熟少少嘅貝高嘅話，呢個就未必啱你。
整體來講三個包味道都不俗，喺香港好難搵到呢類型嘅麵包店，但係未至於好味道會成日幫襯。
味道:3.8/5
性價比: 3.8/5
張貼
