影片
更多
2023-12-09
4291 瀏覽
已翻兜舊式茶記，獨特茶餐味道很讚，推爆蔥花蛋治😚！・・・・・・・・・・・・・・・・・・・・🍳 蔥花蛋治 HK$30・味道：重蔥，愛蔥人士入！蔥同蛋幾乎1：1，極濃蔥香，好正！蛋味重啲更好～・口感：多士烘底加爽脆蔥花，蛋唔鞋唔嫩啱啱好，食落不錯～💛 炸燒賣 HK$18・味道：正常炸魚肉燒賣，個辣汁幾惹味，除咗辣外仲有陣鹹香，不錯欸食食下就食晒。・口感：都幾脆口同時幾滿足，魚肉燒賣塞爆口嘅感覺XD🐮 牛腩蝦條煎米粉 HK$58・味道：牛腩用腩汁同辣汁醃得好入味，入味到食耐咗有啲鹹。煎米粉幾香口而且唔會好油，點腩汁食幾正。蝦條就係南記嗰款XD・口感：牛腩好多但都幾重口味，未到食到肉絲但醃咁耐就一定鞋口㗎喇。煎米粉乾爽脆口唔油，食緊米餅咁，蝦條幾彈口～🐔 手撕雞五香肉丁撈通粉 HK$58・味道：呢個就真係有啲太油😖味道好食嘅，不過唔係手撕雞係蔥油雞😅。加埋五香肉丁，兩款都好油就搞到食咗陣就食唔落，同波妹share都食唔到半碟⋯⋯成個底都係油，油量控制下就perfect池了～・口感：蔥油雞幾嫩滑，蔥油都仲keep到蔥嘅爽脆。係真心太油了～～～🍋 鹹檸檬+西柚汁 HK$24・味道：老細推介的，me
・・・・・・・・・・・・・・・・・・・・
🍳 蔥花蛋治 HK$30
・味道：重蔥，愛蔥人士入！蔥同蛋幾乎1：1，極濃蔥香，好正！蛋味重啲更好～
・口感：多士烘底加爽脆蔥花，蛋唔鞋唔嫩啱啱好，食落不錯～
蔥花蛋治
$30
125 瀏覽
0 讚好
0 留言
💛 炸燒賣 HK$18
・味道：正常炸魚肉燒賣，個辣汁幾惹味，除咗辣外仲有陣鹹香，不錯欸食食下就食晒。
・口感：都幾脆口同時幾滿足，魚肉燒賣塞爆口嘅感覺XD
炸燒賣
$18
123 瀏覽
0 讚好
0 留言
🐮 牛腩蝦條煎米粉 HK$58
・味道：牛腩用腩汁同辣汁醃得好入味，入味到食耐咗有啲鹹。煎米粉幾香口而且唔會好油，點腩汁食幾正。蝦條就係南記嗰款XD
・口感：牛腩好多但都幾重口味，未到食到肉絲但醃咁耐就一定鞋口㗎喇。煎米粉乾爽脆口唔油，食緊米餅咁，蝦條幾彈口～
牛腩蝦條煎米粉
$58
178 瀏覽
0 讚好
0 留言
🐔 手撕雞五香肉丁撈通粉 HK$58
・味道：呢個就真係有啲太油😖味道好食嘅，不過唔係手撕雞係蔥油雞😅。加埋五香肉丁，兩款都好油就搞到食咗陣就食唔落，同波妹share都食唔到半碟⋯⋯成個底都係油，油量控制下就perfect池了～
・口感：蔥油雞幾嫩滑，蔥油都仲keep到蔥嘅爽脆。係真心太油了～～～
手撕雞五香肉丁撈通粉
$58
206 瀏覽
0 讚好
0 留言
🍋 鹹檸檬+西柚汁 HK$24
・味道：老細推介的，menu寫檸檬汁但其實係鹹檸。唔會好甜或好鹹，係本波最滿意嘅三分甜，解渴嘅微甜，幾唔錯喎。
・口感：配西柚梳打幾爽，gur～
鹹檸檬+西柚汁
$24
99 瀏覽
0 讚好
0 留言
・・・・・・・・・・・・・・・・・・・・
🤰性價比：高～
🤰9衝度：9衝～
🤰結論：好少可有呢啲特別茶餐嘅茶記，除了偏油外其實幾好食，可一戰！
・・・・・・・・・・・・・・・・・・・・
張貼
