秀 (已結業)

今日中午時分黎到尖東，係咪太耐無黎尖東呢？成個尖東都俾啲大陸人侵佔哂！想搵間嘢食都難🤦🏻‍♀️🤦🏻‍♀️🤦🏻‍♀️🤦🏻‍♀️行遠少少去到幸福中心有幾間嘢食，見到哩間叫做秀既餐廳，再望下原來係食韓國野，間餐廳其實都爆爆地，但咁啱有張二人台，我同朋友就入咗去食啦。不過入到黎先知原來呢間餐廳都好細間，呢度啲侍應都係韓國人啵，咁即係好地道啦間餐廳？睇到午市餐牌都幾多選擇啵，我地嗌左石鍋雜錦拌飯同埋牛肉湯飯😋😋😋然後侍應就俾咗四碟前菜我哋啦，個泡菜真係唔同啲喎，因為平時食開嗰啲都係咸啲既，呢間就比較清淡，我鐘意呀！可能今日冇食早餐嘅關係，好期待我嗰石鍋雜錦拌飯，一上枱個石頭鍋都幾大碗喎，見到都好足料，起碼我見到啲牛肉係一嚿嚿，出面好多韓國餐廳啲牛肉係碎碎地既，不過溫馨提示要快啲搞下啲飯，唔係真係好痴底囉！朋友個牛肉湯飯都幾好味喎，開頭以為牛肉好少啦，原來全部沉晒底，同埋個牛肉湯裏面係埋麵線，再加多一碗白飯，好飽呀！然後我哋在嗌咗杯熱柚子蜜，好大杯！