RBTea (已結業)

近排要搞保險，於是每逢Lunch hour，就要搵間唔太嘈又坐得舒服既餐廳 (當然，唔貴就更佳)，等個agent講得舒服，我又聽得清楚。經過新文華中心，見到開左間新餐廳叫RBTea，裝修簡單雅致，而且座位舒適，就揀呢間。午市套餐，雖然有唔少選擇，但有不少都係cream sauce，我個胃唔受得，所以保守D，都係揀個焗番茄豬扒飯($62)。等左起碼半個鐘，個焗飯終於到 (餐廳明顯唔夠人手)。豬扒係炸過既，然後再同其他蔬菜配料：洋蔥、番茄等等同焗。調味係OK既，但個飯底就濕左D，腍bat bat，豬扒唔嚡亦唔滑，不過不失。飲品我揀左熱青檸綠茶，真係酸到盲公都開眼，我諗如果係凍飲加冰既話，應該好D。總括黎講，$62一個午餐，算係咁，久唔久一次都OK。