影片
更多
2019-02-01
15 瀏覽
鍾意飲酒🍻嘅朋友正啦，尖沙咀開咗個新酒場有得飲🍹又有得玩，雖然我自己唔飲得，但朋友成日話想去睇下個新場，咁就陪下佢啦！可能因為新開張未有太多人識，個場都比較靜，如果大家傾下計其實環境好靜好舒服，佢仲有2張檯係outdoor，有啲朋友鍾意都可以出去吹吹風㗎。傾到咁上下又可以玩下，因為佢有全港獨家嘅電子遊戲桌，好似賭場啲賭檯咁，佢有好多款唔同game，例如： Black Jack, Rainbow🌈, Luck 7 等等，$319 /1個game，包2 jar啤酒🍻，價錢都算合理。另外，佢仲有氣墊球就$219。不過呢啲games 都啱啲鍾意飲嘅朋友，我就比較鍾意掟鏢🎯，呢度有2部鏢機🎯，同出面一樣價都係$5蚊鋪，仲包埋鏢比你。可以一路玩一路食，店員介紹咗幾款signatire drink🍹同小食比我哋。飲品方面，佢介紹咗杯Sweet 16同埋Jap Jap，佢話Sweet 16 比較啱女仔飲，不過其實都幾強酒味，面頭灑咗啲微焦嘅棉花糖。而Jap Jap就係荔枝加清酒，淡淡荔枝香味，我覺得都幾啱酒量麻麻哋嘅朋友！小食方面，店員介紹咗雞翼、蝦球、薯角同埋咖哩薯餅。雞翼炸粉唔會好厚，面頭薄薄哋一
鍾意飲酒🍻嘅朋友正啦，尖沙咀開咗個新酒場有得飲🍹又有得玩，雖然我自己唔飲得，但朋友成日話想去睇下個新場，咁就陪下佢啦！
可能因為新開張未有太多人識，個場都比較靜，如果大家傾下計其實環境好靜好舒服，佢仲有2張檯係outdoor，有啲朋友鍾意都可以出去吹吹風㗎。傾到咁上下又可以玩下，因為佢有全港獨家嘅電子遊戲桌，好似賭場啲賭檯咁，佢有好多款唔同game，例如： Black Jack, Rainbow🌈, Luck 7 等等，$319 /1個game，包2 jar啤酒🍻，價錢都算合理。另外，佢仲有氣墊球就$219。不過呢啲games 都啱啲鍾意飲嘅朋友，我就比較鍾意掟鏢🎯，呢度有2部鏢機🎯，同出面一樣價都係$5蚊鋪，仲包埋鏢比你。
可以一路玩一路食，店員介紹咗幾款signatire drink🍹同小食比我哋。飲品方面，佢介紹咗杯Sweet 16同埋Jap Jap，佢話Sweet 16 比較啱女仔飲，不過其實都幾強酒味，面頭灑咗啲微焦嘅棉花糖。而Jap Jap就係荔枝加清酒，淡淡荔枝香味，我覺得都幾啱酒量麻麻哋嘅朋友！
小食方面，店員介紹咗雞翼、蝦球、薯角同埋咖哩薯餅。
雞翼炸粉唔會好厚，面頭薄薄哋一層炸粉，好香口，雞翼好juicy。
蝦球方面細細粒，容易入口，表面呈金黃色，蝦肉爽口又彈牙。
薯角夠晒脆身。
咖哩薯餅入面係咖哩蓉，感覺好似咖哩角嘅味道。
下次想去酒吧都可以試下呢個新場~
張貼
