Iberians (已結業)

今日同朋友係尖沙咀行街，差唔多到晚飯時間，因為怕好多餐廳都要等位，但又唔想去其他地方食，所以就行過隔離少少，去咗尖東一帶揾食。😋行到去文華中心附近，揾到呢間環境唔錯嘅餐廳，所以就入咗去試吓。紅甜椒忌廉湯 ($78) : 味道香甜又濃郁，口感綿綿之餘，將忌廉攪勻入口更順滑。鴨肝醬配紅桑子醬 ($98)，蟹肉莎莎配巴馬火腿 ($88) : 呢兩款小食都非常出色，清甜嘅紅桑子配上濃郁嘅鴨肝，味道超級正食多幾件都唔覺膩 🤤 而另一款蟹肉配巴馬火腿，更加係無得頂。西班牙海鮮炒飯 ($228/細) : 嚟到時香噴噴，估唔到細嘅份量都幾多，而且海鮮又好多味道又唔差，CP值超高。😍