一盛極牛 (已結業)

上回試過油花四濺嘅火焰和牛, 今次專誠嚟試和牛刺身拉麵。極牛拉麵 和牛刺身 (三份) $188 今次肉量揀咗三份, 大約有8片。醬油濃度同拉麵硬度均有3個程度, 可按個人口味選擇。普通濃度 & 硬度就最啱我口味。話明係和牛刺身, 冇花冇假真係紅卜卜嘅生牛肉, 和牛刺身比火焰和牛薄一點, 其實只要浸一浸熱湯就已經變成半熟。 雖然和牛刺身油份不及火焰和牛澎湃, 但肉質較為柔軟嫩滑, 牛味同樣香濃。唔好忘記桌上仲有香脆蒜片、七味粉、 芝麻同麻油等調味料, 能夠為整碗拉麵提味不少。