聚點 (已結業)

尖沙咀的美食好多，今晚同朋友揀咗呢間河內道的中菜餐廳，地點方便，入面都幾多客人，差唔多坐满。粟米魚肚羹，$88, 好大碟，份量多，熱辣辣，粟米粒飽满清甜，魚肚爽口，湯底滑溜，加有蛋花更加嫩滑。䜴油皇乾煎海虎大蝦，$138, 蝦好大隻，肉币飽满，彈牙鮮甜，䜴油皇味好香濃，個殼煮得好香好軟，可以食埋蝦殼。粉絲海鮮什菜煲，$88, 有生菜，蝦柳，菜心，魷魚等，新鮮爽口，湯底好清甜。清蒸青斑魚，$168,魚肉厚身嫩滑，清甜，蒸得剛好熟，一啲都唔腥，味道爽甜。瑤柱蛋白炒飯，$65,炒得好夠鑊氣，飯粒飽满分明，粒料爽口，入口煙韌香甜。